‘ტაო’ ქუთაისის ‘არესსთან’ დამარცხდა

შეხვედრა, ასპინძის სარაგბო ბაზაზაე 15:00 საათზე გაიმართა.

როგორც „სამხრეთის კარიბჭესთან“ სამცხე–ჯავახეთის სარაგბო კლუბ „ტაოს“ პრეზიდენტი ირაკლი გვენეტაძე აცხადებს, პირველ ლიგაში ქუთაისის გუნდი ერთ–ერთი ძლიერია, ამიტომ ეს ანგარიში მისთვის მოულოდნელი არ ყოფილა.

„იქიდან გამომდინარე რომ ძალიან ძლიერი გუნდია წაგებას ველოდით, მაგრამ მეორე ტაიმში ჩვენმა რაგბისტემბა ის გააკეთეს, რაც ამ გუნდისთვის არავის გაუკეთებია – ლელო დაუდეს“,–გვიხსნის ირაკლი გვენეტაძე.

სამცხე–ჯავახეთის სარაგბო კლუბი „ტაო“ პირველი ლიგის ჩემპიონატში მეოთხე ადგილზეა.

შემდეგი მატჩი გუნდს, 19 ოქტომბერს თბილისში ექნება.

[ლუბა გიორგაძე, ასპინძა]