Covid-19-ის ერთი ახალი შემთხვევა ნინოწმინდაში დადასტურდა

სამცხე-ჯავახეთის სახელმწიფო რწმუნებულის აპარატის უფროსის, გიორგი მიქელაძის განცხადებით, დღეს გამოვლენილი ახალი შემთხვევის წყარო ცნობილია იგი ძველ ინფიცირებულთან კონტაქტს წარმოადგენს.

„დღეს ერთი ახალი შემთხვევა ნინოწმინდაში, რომელიც ახალქალაქში მცხოვრებ ინფიცირებულთან კონტაქტში მყოფი პირია და იგი სახლში, თვითიზოლაციაში იმყოფებოდა“, – განაცხადა გიორგი მიქელაძემ.

მისივე განმარტებით გუშინ, რეგიონის მასშტაბით ტესტი 369 ადამიანს გაუკეთდა, საიდანაც covid-19-ზე დადებითი მხოლოდ ერთი აღმოჩნდა.

„369 პირი იყო შემოწმებული ყველას პასუხი მოვიდა მხოლოდ ერთია დადბითი დანარჩენი უარყოფითი, რაც შეეხება დღეს ამ დროისთვის არცერთი ტესტი არ არის გაგზავნილი ჩვენგან. ახალ კონტაქტებს ჯერ იკვლევენ და შემდეგ გადააგზავნიან“,– ამბობს მიქელაძე.

ცხრა ოქტომბრის მდგომარეობით, რეგიონში კორონავირუსით ინფიცირების 51 შემთხვევაა დაფიქსირებული, აქედან ერთი უკვე გამოჯანმრთელდა.

ინფიცირების შემთხვევათა რაოდენობა მუნიციპალიტეტების მიხედვით, ასე ნაწილდება:

ადიგენის მუნიციპალიტეტი – 28 შემთხვევა

დაბა ადიგენში – 2; ჭეჭლაში – 12, უდეში – 2, დიდ ზანავში – 5, ღორთუბანში – 2, ჭელაში – 1, კეხოვანში – 1, გომაროში – 1, არალში – 2;

ნინოწმინდის მუნიციპალიტეტი – 13 შემთხვევა

ქალაქ ნინოწმინდაში – 8, დიდ არაქალში – 4; ეშტია –1 ;

ახალქალაქის მუნიციპალიტეტი – 7 შემთხვევა

ქალაქ ახალქალაქში – 3, ხულგუმოში – 4;

ასპინძის მუნიციპალიტეტი – 2 შემთხვევა

სოფელი რუსთავში – 2;

ახალციხის მუნიციპალიტეტი – 1 შემთხვევა:

ქალაქი ახალციხეში - 1;

რაც შეეხება, თვითიზოლაციას, რეგიონის მასშტაბით 169 მოქალაქეა:

ნინოწმინდა – 77;
ახალქალაქი – 87;
ადიგენი – 18;
ასპინძა – 7;
ბორჯომი – 1;
ახალციხე – 6;

კარანტინში ამ დროისთვის 195 მოქალაქეა. აქედან ოთხი ახალციხეში სასტუმრო „გრანდ პალასში“ იმყოფება, ხოლო დანარჩენი 191 ბაკურიანის სატუმროებშია გადანაწილებული.

[ნუკა სტეფნაძე]