სამცხე–ჯავახეთში კორონავირუსისგან კიდევ 2 პირი გამოჯანმრთელდა

„დღეს რეგიონში ახალი ინფიცირების შემთხვევა არ გვაქვს, გამოჯანმრთელდა კიდევ ორი პაციენტი“, – ამბობს სამცხე-ჯავახეთის სახელმწიფო რწმუნებულის აპარატის ხელმძღვანელი, გიორგი მიქელაძე.

12 ოქტომბრის მონაცემებით, რეგიონში 58 შემთხვევაა დაფიქსირებული, აქედან გამოჯანმრთელდა 9.

ინფიცირების შემთხვევათა რაოდენობა მუნიციპალიტეტების მიხედვით, ასე ნაწილდება:

ადიგენის მუნიციპალიტეტი – 28 შემთხვევა

დაბა ადიგენში – 2; ჭეჭლაში – 12, უდეში – 2, დიდ ზანავში – 5, ღორთუბანში – 2, ჭელაში – 1, კეხოვანში – 1, გომაროში – 1, არალში – 2;

ნინოწმინდის მუნიციპალიტეტი – 14 შემთხვევა

ქალაქ ნინოწმინდაში – 8, დიდ არაქალში – 4; ეშტია –2 ;

ახალქალაქის მუნიციპალიტეტი – 8 შემთხვევა

ქალაქ ახალქალაქში – 4, ხულგუმოში – 4;

ასპინძის მუნიციპალიტეტი – 2 შემთხვევა

სოფელი რუსთავში – 2;

ახალციხის მუნიციპალიტეტი – 6 შემთხვევა

ქალაქი ახალციხე –6 ;

რეგიონის მასშტაბით თვითიზოლაციაში 160 მოქალაქეა:

ნინოწმინდა – 24;
ახალქალაქი – 86;
ადიგენი – 4;
ასპინძა – 7;
ბორჯომი – 1;
ახალციხე – 38;

კარანტინში იმყოფება 369 მოქალაქე. აქედან ოთხი ახალციხეში სასტუმრო „გრანდ პალასში“, ხოლო დანარჩენი 365 ბაკურიანის სასტუმროებშია გადანაწილებული.

[ნუკა სტეფნაძე]