კორონავირუსის ახალი შემთხვევები ახალქალაქსა და ადიგენში დაფიქსირდა – 5 ოქტომბერი

სამცხე-ჯავახეთის სახელმწიფო რწმუნებულის აპარატის უფროსის, გიორგი მიქელაძის განცხადებით, კორონავირუსის ორი შემთხვევაა ახალქალაქში, აქედან ერთი ქალაქშია, მეორე კი სოფელ ხულგუმოში. რაც შეეხება ადიგენს, ერთი ახალი შემთხვევა სოფელ ჭეჭლაში ფიქსირდება.

„გუშინ გვიან ღამით დაფიქსირდა სამი ახალი შემთხვევა, ორი ახალქალაქის მუნიციპალიტეტში, ერთი ადიგენში, სამივე შემთხვევა ინფიცირებულებთან კონტაქტია. რაც შეეხება ადიგენის შემთხვევას, სოფელ ჭეჭლაში თვითიზლოაციაში ყოფნის ბოლო დღეს ერთ პირს დაუდასტურდა ინფექცია“,– განაცხადა გიორგი მიქელაძემ.

მისივე თქმით, რეგიონში აღებული დანარჩენი ტექსტების პასუხები უარყოფითია, ხოლო ახალ ინფიცირებულებთან კონტაქტში მყოფი პირების მოძიება მიმდინარეობს.

„დღის განამვლობაში, რამდენი ანალიზი იქნება აღებული და ის გაიგზავნება ლაბორატორიაში გამოსაკვლევად“,– განმარტა მიქელაძემ.

სამცხე–ჯავახეთში ინფიცირებულთა რაოდენობა 40–მდე გაიზარდა

ადიგენის მუნიციპალიტეტი – 27 შემთხვევა, მათ შორის:

დაბა ადიგენი – 1; ჭეჭლაში – 12, უდეში – 2, დიდ ზანავში – 5, ღორთუბანში – 2, ჭელაში – 1, კეხოვანში – 1, გომაროში – 1, არალში – 2.

ასპინძის მუნიციპალიტეტი – 2 შემთხვევა, მათ შორის:

სოფელი რუსთავი – 2;

ნინოწმინდის მუნიციპალიტეტი – 8 შემთხვევა, მათ შორის;

ქალაქი ნინოწმინდა – 4, დიდი არაქალი – 4;

ახალქალაქის მუნიციპალიტეტი – 3 შემხვევა, მათ შორის:

ქალაქი ახალქალაქი – 2, ხულგუმო –1.

რაც შეეხება, თვითიზოლაციას, ამ ეტაპზე რეგიონის მასშტაბით 285 მოქალაქეა:

ნინოწმინდა – 98;
ადიგენი – 90;
ასპინძა – 44;
ბორჯომი –7;
ახალციხე –6;

კარანტინში ამ დროისთვის 195 მოქალაქეა. აქედან შვიდი ახალციხეში სასტუმრო „გრანდ პალასში“ იმყოფება, ხოლო დანარჩენი 188 ბაკურიანის ხუთ სატუმროშია გადანაწილებული.

[ნუკა სტეფნაძე]