საქართველო–სომხეთის საზღვართან აქცია იმართება [ვიდეო]

ინფორმაციას ტელეკომპანია "ATV"ავრცელებს. მათი განცხადებით, ადგილობრივებს საქართველოდან სომხეთში სატვირთო მანქანების გადაყვანა სურთ.

ჟურნალისტი ამბობს, რომ ადგილობრივებთან ერთად პოლიციის თანამშრომლებიც იმყოფებიან და ისინი საზღვრის მიმართულებით გადადგილებას ხელს უშლიან.

ნინოწმინდა–ახალქალაქში "ევროპული საქართველოს" მაჟორიტარი კანდიდატის, არსენ კარაპეტიანის განცხადებით, დღეს ადგილობრივები პროდუქტს და საბურავებს აგროვებდნენ სომხეთში გასაგზავნად, საქმე ეხება მთიანი ყარაბაღის კონფლიქტს.

"გვინდა ჰუმანიტარული დახმარება გავუწიოთ სომხეთს და საზღვარზე არ გვიშვებენ", – აცხადებენ აქციის მონაწილეები.

"სამხრეთის კარიბჭე" ცდილობს დამატებით ინფორმაციის მოძიებას, თვალი ადევნეთ ვებგვერდს.


[sknews.ge]