‘საქართველოდან ჰუმანიტარული დახმარების სომხეთში გაგზავნის პრობლემა არ არსებობს’ - საელჩო

საქართველოში სომხეთის საელჩო „ფეისბუქ“ გვერდზე განცხადებას აქვეყნებს:

„ინტერნეტში გავრცელდა ინფორმაცია, რომ საქართველო ხელს უშლის საწვავის იმპორტს და უარს ამბობს ჰუმანიტარული დახმარების გაგზავნაზე სომხეთში, რაც სიმართლეს არ შეესაბამება.

საწვავის გადაცემის და ჰუმანიტარული დახმარების პრობლემა არ არსებობს!

საქართველოში სომხეთის საელჩო ინარჩუნებს მუდმივ ურთიერთობებს საქართველოს შესაბამის სტრუქტურებთან.

ამასთან, საქართველოდან დახმარების გადაგზავნისას პრობლემების არსებობის შემთხვევაში, დაუკავშირდით სომხეთის საელჩოს საქართველოში საკითხის სწრაფად მოგვარების მიზნით.

ამავე დროს, ჩვენ მოგიწოდებთ არ გაავრცელოთ დეზინფორმაცია, რადგან ეს პირდაპირ ეხება სომხეთის რესპუბლიკის სახელმწიფო ინტერესებს“, - წერია „ფეისბუქ“ გვერდზე.

სამცხე-ჯავახეთიდან, სომხეთის მხარდასაჭერად სურსათით დატვირთული 2 სატვირთო მანქანა გადაიგზავნა. ამჟამად ადგილობრივები დასახმარებლად ფულსა და პროდუქტს ისევ აგროვებენ.

[რიმა სარუხანიან]