კორონავირუსის 10 ახალი შემთხვევა ადიგენში, 1 - ნინოწმინდაში დაფიქსირდა

სამცხე–ჯავახეთში სახელმწიფო რწმუნებულის აპარატის ხელმძღვანელის, გიორგი მიქელაძის თქმით, რეგიონში 11 ახალი შემთხვევაა. მათ შორის:
ადიგენის მუნიციპალიტეტში:

5 ინფიცირებული - დიდი ზანავში
2 ინფიცირებული - ჭეჭლაში
2 ინფიცირებული - ღორთუბანში
1 ინფიცირებული - კეხოვანში

ნინოწმინდის მუნიციპალიტეტში - 1 ინფიცირებული

მიქელაძის თქმით, ახალი შემთხვევების ნაწილი ინფიცირებულთან პირადპირი კონტაქტია და ამის გამო გაიტესტნენ, ნაწილი კი მასობრივი ტესტირების შედეგად გამოვლენილი შემთხვევებია.

„ყველა არის პირველი შემოტანილი შემთხვევის შედეგად დაინფიცირებული [ჭეჭლის შემთხვევა] ყველა ერთმანეთის კონტაქტის შედეგად არის დაინფიცირებული, ესენი მიმდებარე სოფლებია. რაც შეეხება ნინოწმინდას, მასაც აჭარაში მოგზაურობის ისტორია აქვს“, - აცხადებს მიქელაძე.

28 სექტემბრის მონაცემებით, რეგიონში მთლიანობაში 24 შემთხვევა ფიქსირდება. მათგან ერთი ასპინძაში, ერთი ნინოწმინდაში, 22 კი ადიგენში.

გუშინ, ასპინძის მერიაში გვითხრეს, რომ სოფელში მასობრივი ტესტირება დაიწყო, თუმცა ამ ფაქტს არ ადასტურებენ სამცხე–ჯავახეთის მხარის ადმინისტრაციაში, რუსთავში კორონავირუსის პირველი შემთხვევა 27 სექტემბერს დადასტურდა.

„რუსთავში მასობრივი ტესტირება ჯერ არ ჩატარებულა, იმიტომ, რომ დადგენილი წესების მიხედვით, კონტაქტიდან მერვე დღეს უნდა ჩატარდეს ტესტირება და ეს არის ყევლაზე ეფექტური. ხვალ გადის მერვე დღე და ამიტომაც ხვალ დაიწყება იქ იმ პიროვნებების გატესტვა, რომლებიც გამოიკვეთა, როგორც პირდაპირი კონტაქტები. მანამდე ისინი რჩებიან თვითიზოლაციაში.

[თაკო ფეიქრიშვილი]