ჭეჭლაში კორონავირუსის ოთხი ახალი შემთხვევა დაფიქსირდა

სამცხე–ჯავახეთში სახელმწიფო რწმუნებულის აპარატის ხელმძღვანელის, გიორგი მიქელაძის თქმით, ჭეჭლაში ახალი შემთხვევები სამი სოფლის მასობრივი ტესტირების შედეგად გამოვლინდა. ინფიცირებულები სოფელ ჭეჭლადან არიან.

„ეს კონკრეტული პირები ბათუმში არ ყოფილან.მათი დაინფიცირების შესახებ მასობრივი ტესტირების შედეგად შევიტყვეთ“,-ამბობს მიქელაძე.

25 სექტემბრის მონაცემებით, ადიგენში კორონავირუსი რვა ადამიანს აქვს, აქედან შვიდი ჭეჭლაშია, ერთი კი უდეში.

ჭეჭლაში ადგილობრივების დაინფიცირება აჭარის კლასტერს უკავშირდება, ისინი ბათუმში ქორწილში იმყოფებოდნენ, რაც შეეხება უდეს შემთხვევას, ამ დრომდე უცნობია 70 წლამდე ქალის დაინფიცირების წყარო. იგი ექთანია და ადიგენის სასწრაფო სამედიცინო დახმარების სამსახურში მუშაობს.

[მარიამ ბარძიმაძე]