COVID-19 სამცხე-ჯავახეთში: სად გამოვლინდა ახალი შემთხვევები

სამცხე-ჯავახეთის სახელმწიფო რწმუნებულის აპარატის ხელმძღვანელის, გიორგი მიქელაძის განმარტებით, ყველა ახალი შემთხვევის წყარო ინფიცირებულთან პირდაპირი კონტაქტია.

9 ახალი შემთხვევა ასე ნაწილდება:

ნინოწმინდის მუნიციპალიტეტი

4 - ქალაქი ნინოწმინდა
3 - სოფელი არაქალი

ადიგენის მუნიციპალიტეტი

1 - სოფელი არალი

ასპინძის მუნიციპალიტეტი

1 - სოფელი რუსთავი

მთლიანობაში რეგიონში 35 ინფიცირებულია.

თვითიზოლაციაში რჩება 223 ადამიანი, მათგან:

ადიგენში - 97
ნინოწმინდაში - 66
ასპინძაში - 46
ახალციხეში - 7
ბორჯომში - 7

კარანტინშია 409 ადამიანი, აქედან ახალციხის საკარანტინო სივრცეში 93, ხოლო ბაკურიანის საკარანტინო სივრცეში - 316 ადამიანი.

„მიმდინარეობს კონტაქტების მოკვლევა, დღეს ველოდებით დაახლოებით 250 ნიმუშის გამოკვლევას და შესაბამისად, მოკვლეული კონტაქტების ნიმუშებიც იქნება გადატანილი ლაბორატორიაში“, - აცხადებს გიორგი მიქელაძე.

მისივე თქმით, გადავა თუ არა არლის საჯარო სკოლა დისტანციურ სწავლების პროცესზე, დღეს, 1-ელ ოქტომბერს გადაწყდება.

რაც შეეხება მუნიციპალიტეტებში მასობრივი ტესტირების დაწყებას, იგი ამბობს, რომ ჯერ არ იგეგმება და ამ ეტაპზე, ტესტირება იქ ტარდება, სადაც ვირუსი აღმოჩნდება.

[თაკო ფეიქრიშვილი]