ახალციხეში კორონავირუსის კიდევ 2 ახალი შემთხვევა დაფიქსირდა

დღეს, 14 ოქტომბერს გამართულ ბრიფინგზე, ინფექციური საავადმყოფოს ბოქსირებული განყოფილების ხელმძღვანელმა, მარინა ენდელაძემ განაცხადა, რომ სამცხე-ჯავახეთში კორონავირუსის 1 ახალი შემთხვევა გამოვლინდა, თუმცა მოგვიანებით გაირკვა, რომ რეგიონში ორი ახალი შემთხვევაა და ორივე ახალციხის მუნიციპალიტეტში.

მათგან ერთი კლინიკა „იმედის“ექიმია. სავარაუდოდ, მისი ინფიცირების წყარო 12 ოქტომბერს სამედიცინო დაწესებულებაში გამოვლენილი შემთხვევებია.

„მივიღეთ დარჩენილი ნიმუშების პასუხები და გამოვლინდა კიდევ ერთი შემთხვევა, ეს არის ინფიცირებული სამედიცინო პერსონალის კონტაქტი“, - ამბობს რეგიონის სახელმწიფო რწმუნებულის აპარატის უფროსი, გიორგი მიქელაძე.

მისივე თქმით, ახალციხის მუნიციპალიტეტში კიდევ ერთი ახალი შემთხვევაა, რომელიც უკავშირდება ერთ-ერთ კომპანიაში დაინფიცირებულ 3 თანამშრომელს.

„ეს არის პირდაპირი კონტაქტი ინფიცირებულთან. არ ვიცით სტატუსი, ამ კომპანიაში მუშაობს თუ არა“, - განმარტავს მიქელაძე.

რაც შეეხება გამოჯანმრთელებულ პაციენტებს, დღეს, 14 ოქტომბერს კიდევ 11 ადამაინი გამოჯანმრთელდა. მთლიანობაში მათი რიცხვი 20-ია.

ამ ეტაპზე, სამცხე-ჯავახეთში თვითიზოლაციაშია 187 პირი. მათგან:

ახალქალაქის მუნიციპალიტეტში - 91;
ადიგენის მუნიციპალიტეტში - 4;
ახალციხის მუნიციპალიტეტში - 59;
ბორჯომის მუნიციპალიტეტში - 9;
ნინოწმინდის მუნიციპალიტეტში - 24;

კარანტინში იმყოფება 416 პირი. მათგან:;

ახალციხის საკარანტინო სივრცეში - 31;
ბაკურიანის საკარანტინო სივრცეებში - 385;

საერთო ჯამში, რეგიონში კორონავირუსის 63 შემთხვევაა დაფიქსირებული:

ადიგენის მუნიციპალიტეტი – 28 შემთხვევა

დაბა ადიგენში – 2; ჭეჭლაში – 12, უდეში – 2, დიდ ზანავში – 5, ღორთუბანში – 2, ჭელაში – 1, კეხოვანში – 1, გომაროში – 1, არალში – 2;

ნინოწმინდის მუნიციპალიტეტი – 14 შემთხვევა

ქალაქ ნინოწმინდაში – 8, დიდ არაქალში – 4; ეშტია –2;

ახალქალაქის მუნიციპალიტეტი – 9 შემთხვევა

ქალაქ ახალქალაქში – 4, ხულგუმოში – 4; ოკამში - 1;

ასპინძის მუნიციპალიტეტი – 2 შემთხვევა

სოფელი რუსთავში – 2;

ახალციხის მუნიციპალიტეტი – 10 შემთხვევა

ქალაქი ახალციხე – 10;

[თაკო ფეიქრიშვილი]