აგრო დუოს სამუშაო შეხვედრა და შედეგების შეჯამება [ვიდეო] ®

ორგანიზაციამ, რომლის მიზანია აგრარული უნარების განვითარება და პროფესიული განათლების რეფორმირება კერძო სექტორის ჩართულობით, ერთი წლის განმავლობაში მნიშვნელოვანი შედეგები დადო. მათ შორის 11 მოკლევადიანი პროფესიული გადამზადების კურსი აგრარული სექტორისთვის.

შეხვედრაზე მონაწილეებმა განიხილეს სექტორული უნარების ორგანიზაციის წევრების მიერ შემუშავებული აგრარული პროფილის პროფესიული მომზადება/გადამზადების პროგრამების, ინსტრუქტორთა კმაყოფილების კვლევის შედეგები, ცნობიერების ამაღლების კამპანიის შედეგები და სამომავლო გეგმები.

პროექტი „სამუშაოზე დაფუძნებული სწავლება“ ხორციელდება გაეროს განვითარების პროგრამის (UNDP), შვეიცარიის განვითარებისა და თანამშრომლობის სააგენტოს (SDC), საქართველოს განათლების, მეცნიერების, კულტურისა და სპორტის სამინისტროს (MESCS) მხარდაჭერით, დარგობრივი უნარების ორგანიზაციის აგრო დუო მონაწილეობითა და საქართველოს ფერმერთა ასოციაციის (GFA) კოორდინაციით.