1-ელი ოქტომბრიდან რიგასთან პირდაპირი ფრენები გაიხსნება

დღეს, 17 სექტემბერს გამართულ ბრიფინგზე, გახარიამ განმარტა, რომ პირდაპირი ფრენა ქუთაისის აეროპორტიდან კვირაში ერთხელ განხორციელდება.

„დღეს ჩვენ უკვე გადავწყვიტეთ, რომ გავხსნათ 1-ელი ოქტომბრიდან, ქუთაისიდან პირდაპირი რეისი რიგის მიმართულებით, ეს იქნება კვირაში მხოლოდ ერთი რეისი, მაგრამ ეს იქნება ტენდენცია იმისთვის, რომ ჩვენ ყველაფერი გავაკეთოთ იმისთვის, რომ გონივრულად, მაგრამ ფრთხილად, ეკონომიკა ამოძრავდეს კიდევ უფრო სწრაფად“.

მისივე თქმით, საქართველოდან რეგულარული ფრენების განახლება ეტაპობრივად მოხდება: „ფრთხილად და თანმიმდევრულად გავაგრძელებთ საქართველოს საჰაერო სივრცის გახსნას, პირველ რიგში, ეპიდემიოლოგიური მდგომარეობიდან გამომდინარე და ეკონომიკური ინტერესებიდან გამომდინარე“.

[sknews.ge]