იტალიასთან პირდაპირი ფრენები დროებით შეჩერდა

კორონავირუსთან დაკავშირებით შექმნილი უწყებათაშორისი საკოორდინაციო საბჭოს გადაწყვეტილებით, დღეიდან, ხუთი მარტიდან დროებით შეჩერდება პირდაპირი ფრენები იტალიასთან.

საქართველოს მთავრობა ჩვენი ქვეყნის მოქალაქეებს მოუწოდებს, თავი შეიკავონ ჯანმრთელობის მსოფლიო ორგანიზაციის მიერ განსაზღვრული ეპიდემიური რისკის მქონე ქვეყნებში (ჩინეთი, სამხრეთ კორეა, იტალია, ირანი) მოგზაურობისგან. დღევანდელ სხდომაზე აღინიშნეს, რომ ქვეყანაში პანიკის საფუძველი არ არსებობს და მთავრობა სრულად მართავს პროცესს.

მანამდე ჯანდაცვის მინისტრმა, ეკატერინე ტიკარაძემ განაცხადა, რომ ჯანდაცვის მსოფლიო ორგანიზაციას არ აქვს რეკომენდაცია ფრენების შეწყვეტასთან დაკავშირებით, ამიტომ საქართველო იტალიასთან ფრენების შეჩერებას არ აპირებს :"ვინაიდან იქ იმყოფებიან საქართველოს მოქალაქეები და ჩვენ ამით მათ შევუქმნით კიდევ დამატებით პრობლემებს". ეს განცხადება ტიკარაძემ საკოორდინაციო საბჭოს შეხვედრამდე გააკეთა.

ექვსი მარტის [15:00 საათი] მონაცმებით, საქართველოში კორონავირუსი ცხრა პირს აქვს. სხდომაზე აღინიშნა, რომ ინფიცირებული პაციენტების ჯანმრთელობის მდგომარეობა დამაკმაყოფილებელია. ამ ეტაპზე კარანტინში რჩება 162 ადამიანი.

[sknews.ge]