სომხეთში კარანტინი 2021 წლის 11 იანვრამდე გაგრძელდება

„რადიო თავისუფლების“ სომხური გამოცემის ცნობით კარანტინის პერიოდში პირბადის ტარება ღია და დახურულ სივრცეში კვლავ სავალდებულო იქნება, ძალაში რჩება კორონავირუსის გავრცელების პრევენციისთვის შემოღებული სხვა შეზღუდვებიც.

მთავრობის პრესსპიკერის, მანე გორგიანის განცხადებით დაწესებული საკარანტინო შეზღუდვები შესაძლოა შემსუბუქდეს, ან გამკაცრდეს ეპიდემიოლოგიური მდგომარეობის გათვალისწინებით და ამას კონტროლს ჯანდაცვის სამინისტრო გაუწევს.

სომხეთში კორონავირუსთან დაკავშირებული საკარანტინო შეზღუდვები ძალაში 11 სექტემბრიდან შევიდა. ამ დროისთვის ქვეყანაში კორონავირუსით ინფიცირების 45 ათასზე მეტი შემთხვევაა დაფიქსირებული. მათ შორის გამოჯანმრთელდა 44 ათასზე მეტი. გარდაცვლილია 909 ადამიანი.

[sknews.ge]