სომხეთში 24 საათში კორონავირუსით 15 ადამიანი გარდაიცვალა

ქვეყანაში სულ COVID-19-ით ინფიცირების 8 216 შემთხვევაა გამოვლენილი, გამოჯანმრთელებულია 3 287 პაციენტი, გარდაცვალების 113 შემთხვევაა დაფიქსირებული.

ქვეყნის ჯანდაცვის უწყების მიერ გამოქვეყნებული ინფორმაციის თანახმად, დაღუპულთაგან ყველაზე ხანდაზმული 92 წლის იყო, ხოლო ყველაზე ახალგაზრდა - 43 წლის.

ამჟამად სომხეთში კორონავირუსით 4 772 ადამიანი მკურნალობს. ჩატარებული ტესტების საერთო რაოდენობაა 54 931.

სომხეთში საგანგებო მდგომარეობა 13 ივნისამდე გახანგრძლივდა, თუმცა ამის მიუხედავად, ქვეყანა დაწესებულ შეზღუდვებს ეტაპობრივად ხსნის.
სომხეთში კორონავირუსის პირველი შემთხვევა 28 თებერვალს დაფიქსირდა. ინფიცირებული სომხეთის 29 წლის მოქალაქეა, იგი ცოლთან ერთად ერევანში თეირანიდან დაბრუნდა.

[რიმა სარუხანიან, ახალციხე]