ყველა შეზღუდვა რომელიც 23 მაისიდან ძალაში რჩება

23 მაისის შემდეგ ნებისმიერ დახურულ სივრცეში სავალდებულო იქნება პირბადის ტარება;

ტაქსის მძღოლები ვალდებულები არიან ატარონ პირბადე, მათთვის ნებადართულია მხოლოდ ორი ადამიანის გადაყვანა;

თეთრიწყაროსა და მარნეულის ორ სოფელში კვლავ გრძელდება საკარანტინო რეჟიმი;

კვლავ აკრძალულია რესტორნების, კაფეების, ბარების ფუნქციონირება და ადგილზე კვებითი მომსახურება;

აკრძალულია სასტუმროების მომსახურება, გარდა საკარანტინო სივრცეებისა;

აკრძალულია დახურული ტიპის ბაზრების ნაწილისა და დიდი სავაჭრო მოლების ფუნქციონირება;

აკრძალულია ტანსაცმლითა და ფეხსაცმლით ვაჭრობა გარდა ონლაინვაჭრობისა;

აკრძალულია სპორტული კულტურული და სხვა სახის ღონისძიოებების ჩატარება;

ძალაში რჩება შეზღუდვა აზარტული და მომგებიანი სათამაშო სივრცეების მომსახურების;

ძალაში რჩება შეზღუდვა საზოგადოებრივი ტრანსპორტის გადაადგილებაზე.

მთავრობის პრესსპიკერის, ირაკლი ჩიქოვანის განმარტებით სახელმწიფო სერვისების ნაწილი, კვლავ დისტანციურად გააგრძელებს მომსახურებას, ხოლო 15 ივნისიდან მოიხსნება ყველა შეზღუდვა რომელიც შიდა ტურიზმს უკავშირდება.

ცვლილებები საზოგადოებრივი ჯანდაცვის შესახებ საქართველოს კანონში, რომლის მიხედვითაც მთავრობას ეძლევა უფლება საგანგებო მდგომარეობის რეჟიმის გარეშე შეზღუდოს კონსტიტუციით დაცული უფლებები, პარლამენტმა მესამე მოსმენით დღეს დაამტკიცა. ცვლილების მიხედვით მთავრობას შეზღუდვების დაწესების უფლება 15 ივლისამდე ეძლევა.

[sknews.ge]