პირბადეების ტარებასა და სოციალური დისტანციის დაცვაზე კონტროლი მკაცრდება

„უნდა ვატაროთ პირბადეები არა ფორმალურად, არამედ ისე, როგორც ეპიდემიოლოგები და ექიმები უწევენ რეკომენდაციას და სერიოზულად მოვეკიდოთ ჩვენი მოქალაქეების, მოხუცების და ბავშვების ჯანმრთელობას.

ჯანდაცვის სამინისტროს, შსს-ს და ადგილობრივ მუნიციპალიტეტებს გევალებათ დღეიდან კიდევ უფრო გაამკაცროთ კონტროლი იმ მოთხოვნების, რომელიც საკანონმდებლო დონეზე არის დაწესებული. პირველ რიგში ეს არის პირბადის ტარება დახურულ სივრცეებში და სოციალური დისტანცია. ეს ყველაფერი ჩვენ გვჭირდება იმისთვის, რომ შევინარჩუნოთ ის მიღწევა რომელიც გვაქვს“, – განაცხადა გიორგი გახარიამ.

პრემიერ–მინისტრმა ასევე აღნიშნა, რომ გუშინ, ორ სექტემბერს ქვეყნის მასშტაბით 7 186 ტესტი ჩატრდა, რომლის პასუხებიც დღის მეორე ნახევარში გახდება ცნობილი, მისი განმარტებით აღებული ტესტები ეპიდსიტუაციას უკეთ აჩვენებს.

სამი სექტემბრის მონაცემებით, ქვეყანაში ინფიცირებულთა რაოდენობა 1 568–ია, აქედან გამოჯანმრთელდა 1 279 პაციენტი, გარდაიცვალა 19.

[ნუკა სტეფნაძე]