'ვირუსი ჩვენ არ დაგვიმარცხებია' - გახარია

"ყველას კარგად უნდა გვესმოდეს, რომ ვირუსი ჩვენ არ დაგვიმარცხებია, საერთოდ შეუძლებელია ცალკე აღებულ ქვეყანაში ვირუსის დამარცხება. ყველას კარგად გვესმის, რომ ეს არის გლობალური პანდემია.. ამიტომ ჩვენი ძირითადი ამოცანა არის ვირუსის გავცელების ეფექტური კონტროლი როგორც დროში ასევე სივრცეში. ამას რატომ ვამბობ? ბოლო ორი დღის განმავლობაში ქვეყანაში გაგვიჩნდა ორი ახალი კლასტერი, ერთი თბილისში და ერთი მარნეულში, სოფელ მერეთში“,-განაცხადა გახარიამ.

პრემიერმა მოსახლეობას მოუწოდა დაიცვან უსაფრთხოების წესები და ატარონ პირბადე.

"აქ ჩვენი პასუხისმგებლობა არის ელემენტარული წესების დაცვა. მინდა თითოეულ ჩვენს მოქალაქეს მოვუწოდო, ყოველთვის ვატაროთ ნიღაბი, განსაკუთრებით მაშინ, როცა ვართ საზოგადოებრივ ტრანსპორტსა და თავშეყრის ადგილებში. ამას აქვს უკიდურესად დიდი მნიშვნელობა. ეს არის ის სამოქალაქო პასუხისმგებლობა, რომელიც არის მარტივი და შეგვიძლია გავაკეთოთ. ახლა რატომ? იმიტომ, რომ ჩვენ იძულებულები ვართ ნელ-ნელა ეკონომიკა გავხსნათ. ჩვენ არანაირი სურვილი არ გვაქვს უკან დაბრუნების. ეკონომიკის შემდგომი ან ხელახალი დაკეტვის", – განაცხადა ბრიფინგზე პრემიერ–მინისტრმა.

[sknews.ge]