‘აუცილებელია სოციალური და სარიტუალო ღონისძიებების კიდევ უფრო გამკაცრება’– გახარია

„რეგულაციების გამკაცრების აშკარა მაგალითი გვანახა აჭარის რეგიონმა, სადაც ბოლო თვეების განმავლობაში, ძალიან დიდი ქორწილები ჩატარდა და იქ იყო რამდენიმე შემთხვევა, როცა მსგავსი სოციალური ღონისძიებები გახდა გადაცემის წყარო. ამიტომ დახურულ სივრცეებში სოციალური ღონისძიებების ჩატარების კონტროლი უკიდურისად გამკაცრდება, მთელი ქვეყნის მასშტაბით“,– განაცხადა გიორგი გახარიამ.

მისივე თქმით, ეს არ ეხება ღია სივრცეს, „ღია სივრცეში დამატებითი მოთხოვნები იქნება, მაგრამ ეს იქნება შედარებით მსუბუქი მოთხოვნები“, – განაცხადა პრემიერმა.

დღეს, კორონავირუსით დაინფიცირების 34 ახალი შემთხვევა დაფიქსირდა, ქვეყანაში COVID-19-ის სულ 1684 შემთხვევაა გამოვლენილი, აქედან გამოჯანმრთელდა 1315 და გარდაიცვალა 19.

[sknews.ge]