სად შეიძლება საარჩევნო პლაკატების განთავსება ახალციხის სოფლებში

დღეს, 17 ივნისს, ახალციხის მუნიციპალიტეტის საკრებულოს რიგით მერვე სხდომაზე წინასაარჩვენო სააგიტაციო პლაკატების გაკვრისთვის ადგილების განსაზღვრაზე იმსჯელეს.

საკრებულოს ინფორმაციით, ახალციხის მუნიციპალიტეტის სოფლებში წინასაარჩევრნო პლაკატების გაკვრა შესაძლებელია: ავტობუსების მოსაცდელთან, მუსიკალურ სკოლებთან, კულტურის სახლების ტერიტორიებზე, რიტულების სახლებთან, სტადიონების ღობეზე, სოფლის ცენტრებში, საბავშვო ბაღების ღობეზე, ძველი სკოლებისა და ამბულატორიების კედლებზე.

„ჩვენ უფლება გვაქვს გამოვყოთ ის ადგილები, რომლებიც ჩვენს საკუთრებაშია. მაქსიმალურად თვალსაჩინო ადგილები გამოვყავითა“, – ამბობს საკრებულოს იურიდიულ საკითხთა კომისიის თავმჯდომარე თამარ გოგინაშვილი.

მისი თქმით, წინასაარჩევნო სააგიტაციო პლაკატების განთავსება კერძო მესაკუთრის ტერიტორიაზე მხოლოდ მისი ნებართვის საფუძველზეა შესაძლებელი.

[ვარლამ წიკლაური, ახალციხე]