ბორჯომში საარჩევნო მასალების განთავსების ადგილები განსაზღვრეს

ადგილების ჩამონათვალი, ბორჯომის საკრებულომ საკრებულოს სხდომაზე 25 აგვისტოს დაამტკიცა.

დოკუმენტში წერია, რომ მესაკუთრის ან მისი მფლობელის ნებართვის შემთხვევაში, ბეჭდვითი სააგიტაციო მასალები შეიძლება გამოიფინოს შენობა-ნაგებობებზე, სამშენებლო ტერიტორიტორიების შემომსაზღვრელ დროებით ღობეებსა და სხვა ობიექტებზე.

რაც შეეხება ბანერებს, მისი განთავსება დასაშვებია მერიის ინფრასტრუქტურის, სივრცითი მოწყობის, არქიტექტურისა და მშენებლობაზე ზედამხედველობის სამსახურის ნებართვის შემდეგ, საავტომობილო გზების გასწვრივ მდებარე ღამის განათების ბოძებზე (მიწის ზემოთ არანაკლებ სამი მეტრის სიმაღლეზე).

ასევე, განისაზღვრა ის ადგილები სადაც აკრძალულია საარჩვენო პლაკატების გაკვრა, ესენია:

• საკულტო ნაგებობები;
• კულტურული მემკვიდრეობის ძეგლის სტატუსის მქონე შენობა–ნაგებობები;
• სახელმწიფო ხელისუფლების ორგანოები;
• ადგილობრივი თვითმმართველობის ორგანოები;
• სასამართლო;
• პროკურატურა;
• პოლიციის კუთვნილი შენობები;
• საგზაო ნიშნები;
• ქალაქ ბორჯომში შემოსასვლელთან მდებარე ქვის სტელა;

გათვალისწინებულ ადგილებში საარჩევნო სუბიექტს უფლება აქვს გააკრას საარჩევნო პლაკატი შემდეგი ზომებით: სიგრძე არა უმეტეს 60 სმ, სიგანე არაუმეტეს 42 სმ (A2 ფორმატი);

ასევე, საარჩევნო სუბიექტები ვალდებულნი არიან არჩევნების საბოლოო შედეგების ოფიციალურად გამოქვეყნებიდან 15 დღის ვადაში უზრუნველყონ სააგიტაციო მასალის ჩამოხსნა, წინააღმდეგ შემთხვევაში მათ დაეკისრება საქართველოს კანონმდებლობით გათვალისწინებული პასუხისმგებლობა.

[ნუკა სეტფნაძე]