ნინოწმინდაში დაპირისპირებისას დაკავებულ 11 პირს პატიმრობა შეეფარდა

11 დაკავებული – რვა მწყემსი და სამი სოფელ თორიას მცხოვრები, მოსამართლე არარატ ესოიანმა პატიმრობაში დატოვა.

შემდეგი სასამართლო სხდომა 16 ოქტომბერს გაიმართება.

შსს–მ 23 აგვისტოს მომხდარი ჩხუბის შედეგად გამოძიება სისხლის სამართლის კოდექსის ორი, ჯგუფური ძალადობის ორგანიზებისა და ჯგუფური ძალადობის მუხლებით დაიწყო, დაკავებული იქნა 11 პირი.

დაკავებულების გათავისუფლების მოთხოვნით თორიას მოსახლეობა ნინოწმინდის პოლიციასთან, 24 აგვისტოს შეიკრიბა.

სამცხე–ჯავახეთში მომთაბარე მწყემსებთან დაპირისპირების ეს პირველი შემთხვევა არ არის, მიმდინარე წლის 24 ივნისს და 10 ივლისს ახალციხეში 13 სოფლის მოსახლეობამ აქცია გამართა, ისინი მათი საძოვრებიდან მომთაბარე მწყემსების გაყვანას ითხოვდნენ.



[მარიამ ბარძიმაძე]