ნინოწმინდაში მომთაბარე მწყემსებთან მომხდარი ჩხუბის შედეგად 11 პირი დააკავეს

უწყებაში აცხადებენ, რომ დაკავებულებს შორის არიან, როგორც თორიაში მცხოვრები ახალგაზრდები, ასევე მომთაბარე მწყემსები.

საძოვრის გამო ჩხუბი ნინოწმინდაში, სოფელ თორიაში გუშინ, 23 აგვისტოს მოხდა.

დაკავებულების ახლობლები დილიდან ნინოწმინდის პოლიციის შენობასთან არიან შეკრებილები.

"ვითხოვთ სამართლიან გამოძიებას, წინააღმდეგ შემთხვევაში მთელი ჯავახეთი ფეხზე დადგება. თუ არ გამოიძიებენ ჩვენ თვითონ გადავწვყვეტთ ამ საკითხს და არცერთი მომთაბარე მწყემსი არ დარჩება აქ. თვითონ [მწყემსები] არმატურით და შეშით წამოვიდნენ ჩხუბზე, ჩვენ არ ველოდით, ცარიელი ხელებით დავიცავით თავი, ერთი ახალგაზრდა უმძიმეს სიტუაციაშია. ჩვენი მოთხოვნაა გაათავისუფლონ ჩვენი ახალგაზრდები, თუ ერთ-ერთი მაინც დაჯარიმდება ჩვენ–ჩვენი მეთოდებით გადავწყვეტთ საკითხს", – აცხადებს სოფელ თორიაში მცხოვრები ერთ–ერთი ახალგაზრდა.

მომხდარზე გამოძიება შსს–მ 126–ე და 225 –ე მუხლებით დაიწყო, რაც ჯგუფურ ძალადობასა და მის ორგანიზებას გულისხმობს.

[sknews.ge]