ხიზაბავრაში მომხდარ ფაქტზე შსს-მ 2 პირი დააკავა

საქმე ეხება ხიზაბავრაში 22 აგვისტოს მომხდარ ფაქტს, მანუჩარ მურადაშვილი ამბობს, რომ ამ დღეს გამგებლის ყოფილმა წარმომადგენელმა კ.პ–მ და მისმა მეგობარმა ი.გ–მ , ფულის გამოძალვის მიზნით, გაიტაცეს, სცემეს და საკუთარი ხელით საფლავის გათხრა აიძულეს.

ფაქტზე შინაგან საქმეთა სამინისტრომ გამოძიება სსკ-ს 143-ე მუხლის მესამე ნაწილის ა ქვეპუნქტით დაიწყო, რაც წინასწარ შეთანხმებით ჯგუფის მიერ ჩადენილ თავისუფლების უკანონო აღკვეთას გულისხმობს.დაკავებულებს ჯერ ბრალი არ წარდგენიათ.

[მარიამ ბარძიმაძე]