ახალქალაქის მერიასთან სოფელ ოლავერდის მოსახლეობამ აქცია გამართა

როგორც აქციის მონაწილეები ამბობენ, მომთაბარე მწყემსებმა მათი საძოვრები მიისაკუთრეს, სოფლის სასმელი წყლის მილი დააზიანეს და სხვა მილი შეაერთეს, რადგან წყალი თავიანთი პირუტყვისთვის გამოიყენონ.

„7 დღეა სოფელს წყალი არა აქვს, მომთაბარე მწყემსები მოვიდნენ და სასმელი წყლის მილს სხვა მილი შეაერთეს, წყალი სოფლამდე აღარ მოდის. ესე დიდხანს ვერ გაგრძელდება“, - აცხადებს აქციის ერთი-ერთი მონაწილე.

ახალქალაქის მერის იურიკ უნანიანის თქმით, მომთაბარე მწყემსებს მიწა იჯარით აქვთ აღებული და საჭიროების შემთხვევაში მათთან ხელშეკრულებას გააუქმებს.

„საკითხი უნდა გადაწყდეს, ეგ მიწები ჩვენი მიწებია ჩვენ მაგ ადამიანებთან ხელშეკრულების გაუქმება შეგვიძლია. 2-3 დღეში პოლიცია მწყემსებს ჩამოიყვანს და დაველაპარაკები. თუ ჩვენს მოთხოვნებს არ შეასრულებენ და ხელს შეუშლიან გლეხებს საქმიანობაში, ჩვენ ხელშეკრულებას გავაუქმებთ“, - ამბობს უნანიანი.

ინფორმაციას Jnews.ge ავრცელებს.