ახალციხეში ‘ევროპული საქართველოს’ წევრებმა პარტია დატოვეს

ამ წუთებში [14:15 საათი] "ევროპული საქართველოს" წევრები, ზურა ჩილინგარაშვილი და ლევან თარხნიშვილი ახალციხის რაიონული ორგანიზაციის წევრებს ხვდებიან.

შეხვედრის დაწყებამდე რაიონული ორგანიზაციის ხელმძღვანელმა, გელა დემეტრაძემ და ოფისში მომუშავე სხვა პირებმა პარტიიდან წასვლის შესახებ განაცხადეს.

"მე შევუერთდები ვაჟა ჩიტაშვილის შტაბს თუნდაც რიგით წევრად", – განაცხადა გელა დემეტრაძემ.

ცნობისთვის "ევროპული საქართველოს" ახალციხის რაიონული ორგანიზაციის წარმომადგენლებსა და პარტიის სათაო ოფისს შორის დაპირისპირება რამდენიმე დღის წინ დაიწყო. მიზეზი კი ის გახდა, რომ გელა დემეტრაძემ და მისმა თანაგუნდელებმა "ნაციონალური მოძრაობის" კანდიდატის ვაჟა ჩიტაშვილის მხარდაჭერა დააფიქსირეს.

[sknews.ge]