‘ქართული ოცნების’ მაჟორიტარი დეპუტატობის კანდიდატმა წინსაარჩევნო კამპანია დაიწყო

ანტონ ობოლაშვილმა საარჩევნო კამპანია ახალციხის მუნიციპალიტეტში, ეთნიკური უმცირესობებით დასახლებული სოფლებიდან დაიწყო. პირველად „ოცნების“ კანდიდატი საძელისა და ხაკის მოსახლეობას შეხვდა.

როგორც „ქართული ოცნების“ საზოგადოებასთან ურთიერთობის სამსახურში გვითხრეს, ობოლაშვილი დღის განმავალობაში კიდევ რამდენიმე სოფელში შეხვდება ამომრჩეველს. მედიისთვის განცხადებას კი მოგვიანებით გააკეთებს.

ანტონ ობოლაშვილთან შეხვედრას საძელში მცხოვრები პეტროს პოღოსიანიც ესწრებოდა. მისი თქმით, ადგილობრივებმა კანდიდატს სოფლის პრობლემების შესახებ ესაუბრნენ.

„დილით იყვნენ მოსულები, ჩვენ ბევრი პრობლემა გვაქვს, მაგალითად სარწყავი წყლის, გზების, გვჭირდება გარე განათებაც სიბნელეში გიწევს სიარული. ასე გვითხრეს, რომ ხალხისთვის სიკეთე უდა გავკეთოთო, ყველა არჩევნებზე ასე დადიან, მერე ვნახოთ დაპირებას როგორ შეასრულებენ“, - გვითხრა პოღოსიანმა.

ობოლაშვილი 2020 წლის საპარლამენტო არჩევნებიში მაჟორიტარობის კანდიდატად პარტიამ 20 აგვისტოს დაასახელა.

ახალციხე-ადიგენი–ასპინძა–ბორჯომის საარჩევნო ოლქში, მოქმედი პარტიებიდან „ქართული ოცნების“ გარდა, სხვა პარტიებს კანდიდატები არ დაუსახელებიათ და შესაბამისად არც წინასაარჩევნო კამპანია დაუწყიათ.

რაც შეეხება ნინოწმინდა–ახალქალაქს, „ქართული ოცნების“ მაჟორიტარი დეპუტატობის კანდიდატს, სამველ მანუკიანს, ობოლაშვილისგან განსხვავებით, მოსახლეობასთან შეხვედრები ჯერ არ დაუწყია. „ქართული ოცნების“ შტაბის ხელმძღვანელმა, ნაირი ირიციანმა განმარტა,რომ კამპანიის დასაწყებად ცენტრალური ოფისიდან მითთებას ელოდებიან.

წინსაარჩევნო კამპანია ჯავახეთში არ დაუწყია, არც „ევროპული საქართველოს“ კანდიდატს, არსენ კარაპეტიანსა და „ნაციონალური მოძრაობის“ მაჟორიტარობის კანდიდატს, მელიქ რაისიანს.

[მარიამ ბარძიმაძე]