ახალქალაქში სავარაუდოდ ‘ოცნების’ მაჟორიტარი დეპუტატობის კანდიდატს სცემეს

როგორც ჩვენთვის ცნობილია შემთხვევა გუშინ, 25 ოქტომბერს მოხდა. ადგილობრივების თქმით, ინციდენტდი, რომელშიც „ქართული ოცნების“ მაჟორიტარი დეპუტატობის კანდიდატი, სამველ მანუკიანი მონაწილეობდა, სოფელ დიდ სამსარში დაიწყო და ახალქალაქში „ოცნების“ შტაბში გაგრძელდა.

აღნიშნულ ინფორმაციას არ ადასტურებენ „ქართული ოცნების“ შტაბში, მათი თქმით, მანუკიანი თავს კარგად გრძნობს და იგი დღეს ერთ–ერთ სოფელში ადგილობრივებთან შეხვედრაზე იმყოფება.

ახალქალაქის საავადმყოფოში აცხადებენ, რომ დაშავებული სამველ მანუკიანი კლინიკაში გუშინ, 25 ოქტომბერს შეიყვანეს.

„დამაკმაყოფილებელია მისი მდგომარეობა, სახეზე ჰქონდა დაჟეჟილობები და გუშინვე გავწერეთ“, - ამბობს ახალქალაქის საავადმყოფოს მენეჯერი ალექსანდ თოროიანი.

„სამხრეთის კარიბჭემ“ მაჟორიტარი დეპუტატობის კანდიდატთან დაკავშირება რამდენჯერმე სცადა, მაგრამ მან ჩვენს სატელეფონო ზარებს არ უპასუხა.

რედაქცია აღნიშნულ თემაზე მუშაობს, დეტალებს მოგვიანებით მოგაწვდით.

[მარიამ ბარძიმაძე]