რეგიონ ლიგაში სამცხე–ჯავახეთიდან 4 გუნდი იასპარეზებს – სეზონი იწყება

საფეხბურთო სეზონი რეგიონ ლიგაში პანდემიის გამო დაგვიანებით, 19 აგვისტოდან დაიწყება. მასში მონაწილეობას სამცხე–ჯავახეთიდან ბორჯომის კლუბი „თორი“, ახალქალაქის „აბული“, ახალციხის „მესხეთი“ და „სამცხე“ მიიღებენ, მათ შორის სამი, რეგიონ ლიგაში გასულ წელსაც ასპარეზობდა, რაც შეეხება ახალციხის „სამცხეს“ ის ტურნეს როგორც დებიუტანტი, ისე შეუერთდება.

კლუბი გასულ წელს ახალციხის სპორტული სკოლის ბაზაზე დაფუძნდა და მას ადგილობრივი თვითმმართველობა აფინანსებს, რაც შეეხება დანარჩენებს, ისინი დაფინანსებას საქართველოს ფეხურთის ფედერაციისგან იღებდნენ.

რეგიონული ლიგის გარდა, სამცხე–ჯავახეთის ფეხბურთის გუნდები კიდევ ორ ტურნირზე ასპარეზობენ, მათ შორის ყველაზე მაღალ ლიგაზე ბორჯომის „ბორჯომია“, რომელიც გასულ წელს საქართველოს 3–ე ლიგაზე ასპარეზობდა, მიმდინარე წლიდან კი მეოთხე ლიგაზე ჩამოქვეითდა.

უკვე მეორე წელია, რაც სამცხე–ჯავახეთის გუნდი ქალთა ლიგაშიც ჰყავს. ადგილობრივი ფეხბურთელებით დაკომპლექტებულმა კლუბმა „ზარზმამ“ სეზონის პირველი მატჩი უკვე ჩაატარა, სადაც კლუბ „მართვესთან“ ანგარიშით 5–1 დამარცხდა.

სულ რეგიონიდან სხვადასხვა ტურნირზე ფეხბურთის 6 გუნდი მონაწილეობს.

[რობი ზარიძე]