‘მოსახლეობის 17%-ის აზრით, კორონავირუსის დაბალი გავრცელება გენეტიკისა და რელიგიის დამსახურებაა’ - NDI

NDI-ს კვლევა დღეს, 28 ივლისს გამოქვეყნდა. დოკუმენტის თანახმად, მოქალაქეების 73 % ფიქრობს, რომ ქვეყანაში ვირუსის შედარებით დაბალი გავრცელება მთავრობისა და ექიმების მიერ გადადგმული სწორი ნაბიჯების შედეგია, ხოლო 17 პროცენტი მიიჩნევს, რომ ეს ქართული გენეტიკისა და რელიგიის დამსახურებაა.

ეკლესიას შედარებით მაღალი მაჩვენებლი აქვს საინფორმაციის წყაროების სანდოომის კუთხითაც. ამ მხრივ მოსახლეობის:

90% - დაავადებათა კონტროლის ეროვნული ცენტრს ენდობა;
85% - საქართველოს ხელისუფლებას;
73% - ჟურნალისტებს/მედიას;
66% - ადგილობრივ ხელისუფლებას;
61% - რელიგიურ ლიდერს/ეკლესიას.

ორგანიზაციის განცხადებით, ყველა ინტერვიუ ჩატარდა სატელეფონო გამოკითხვის მეთოდით. რესპონდენტები მარტივი შემთხვევითი შერჩევის გზით - შემთხვევით ნომერზე დარეკვის მეთოდით შეირჩა.

ინტერვიუები ჩატარდა ქართულ, აზერბაიჯანულ, სომხურ და რუსულ ენებზე.

კვლევა საქართველოს მთლიანი მოსახლეობის წარმომადგენლობითია (ოკუპირებული ტერიტორიების გამოკლებით).

[sknews.ge]