NDI: 60% ფიქრობს, რომ ტელევიზიები დეზინფორმაციას ავრცელებენ

ეროვნულ-დემოკრატიული ინსტიტუტიტს (NDI) მიერ 2017 წლის დეკემბერში საქართველოში ჩატარებული კვლევის თანახმად, საზოგადოებრივი მაუწყებლის პირველ არხს მოსახლეობის მხოლოდ ცხრა პროცენტი ენტობა. ეს მაჩვენებელი, ამავე ორგანიზაციის კვლევის მიხედვით, 2016 წლის ივლისში 18 პროცენტი იყო.

რაც შეეხება იმედსა და რუსთავი ორს, მათი ნდობის მაჩვენებელი თანაბარია და 46-46% შეადგენს.

არცერთ ტელეარხს არ ენდობა მოსახლეობის 19 პროცენტი. ტვ პირველის ნდობის მაჩვენებელი ოთხ პროცენტია, მაესტროსი კი - სამი.

კვლევა 2017 წლის 29 ნოემბერი - 19 დეკემბრის პერიოდში, საქართველოს მასშტაბით 2,298 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით). კვლევაში საშუალო ცდომილების ზღვარი არის +/- 1.9 პროცენტი.

NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

[sknews.ge]