NDI: მოსახლეობის 39% მიიჩნევს, რომ საქართველო არასწორი მიმართულებით ვითარდება

2017 წლის დეკემბერში გამოკითხულთა 39% მიიჩნევს, რომ საქართველო არასწორი მიმართულებით ვითარდება.

მოსახლეობის 32%-ის აზრით, ქვეყანა საერთოდ არ იცვლება. მხოლოდ 26% ფიქრობს, რომ საქართველო სწორი მიმართულებით ვითარდება.

მოსახლეობის უკმაყოფილების ეს მაჩვენებელი ერთ-ერთი ყველაზე მაღალია 2009 წლის შემდეგ.

საქართველოს განვითარების მიმართულებით უკმაყოფილო ადამიანების რიცხვი მკვეთრად გაიზარდა 2014 წელს.

კვლევა 2017 წლის 29 ნოემბერი - 19 დეკემბრის პერიოდში, საქართველოს მასშტაბით 2,298 პირისპირ ინტერვიუს წარმომადგენლობითი შერჩევის საფუძველზე, ქვეყნის ქართულ, სომხურ და აზერბაიჯანულენოვან მოსახლეობას შორის ჩატარდა (ოკუპირებული ტერიტორიების გამოკლებით).

კვლევაში საშუალო ცდომილების ზღვარი არის +/- 1.9 პროცენტი. NDI-ის კვლევები ხორციელდება დიდი ბრიტანეთის მთავრობის UK aid-ის ფინანსური ხელშეწყობით და ატარებს CRRC საქართველო.

[sknews.ge]