გამოკითხულთა 32% თვლის, რომ ქვეყანა არასწორი მიმართულებით ვითარდება - NDI

NDI-ს კვლევის თანახმად, მოსახლეობის 39 პროცენტი ფიქრობს, რომ ქვეყანა სწორი მიმართულებით ვითარდება. ამასთან, 32 მიიჩნევს, რომ ქვეყანა არასწორი მიმართულებით ვითარდება. გარდა ამისა, 20 პროცენტი აღნიშნავს, რომ საქართველო საერთოდ არ იცვლება.

რაც შეეხება დემოკრატიას, ორგანიზაციის მიერ დასმულ კითხვაზე: არის თუ არა საქართველოში დემოკრატია? - გამოკითხული მოსახლეობის 37% ამბობს, რომ არ არის, 48%-ის აზრით, ქვეყანაში დემოკრატიაა, ხოლო 14%-მა კითხვაზე პასუხი არ იცის.

კვლევა NDI-მ 6-11 აგვისტოს პერიოდში ჩაატარა. ორგანიზაციის ცნობით, საქართველოს მასშტაბით 2 045 სატელეფონო ინტერვიუ ქართულ, აზერბაიჯანულ, სომხურ და რუსულ ენებზე ჩაიწერა წარმომადგენლობითი შერჩევის საფუძველზე. გამოკითხვა ქვეყნის სრულწლოვან მოსახლეობას შორის ჩატარდა (ოკუპირებული ტერიტორიების გამოკლებით). გამოკითხვის საშუალო ცდომილების ზღვარი +/- 1,3 პროცენტია.



[sknews.ge]