ვალეს პოლიციის უფროსზე თავდასხმის ამსახველი ვიდეო მტკიცებულებათა ნუსხას არ დაურთეს

სხდომაზე ბრალდებული ზ.კ-ს ადვოკატმა დავით მუმლაძემ, ბრალდების მხარეს მიერ წარმოდგენილი ერთი მტკიცებულება, კონკრეტულად კი თავდასხმის დღეს პოლიციის შენობიდან ამოღებული ვიდეო მასალა სადავო გახადა, მან განმარტა, რომ ბრალდების მხარემ ვიდეო სასამართლოს მიერ მიცემულ ვადაში არ ამოიღო.

მოსამართლე, ლუიზა თოდუამ დავით მუმლაძის შუამდგომლობა დააკმაყოფილა და კადრები მტკიცებულებათა ნუსხას არ დაურთო.

რატომ ვერ წარმოადგინა დათქმულ ვადაში ინციდენტის ამსახველი ვიდეო მასალა პროკურატურამ უცნობია, უწყებიდან „სამხრეთის კარიბჭე“ პასუხს ელოდება.

ადოვაკატმა სასამართლოზე მისი დაცვის ქვეშ მყოფი ს.კ–ს პატიმრობის გირაოთი შეცვლაც ითხოვა, თუმცა თოდუამ აღნიშნული შუამდგომლობა არ დააკმაყოფილა და ბრალდებული კვლავ პატიმრობაში დატოვა.

26 მაისს, 44 წლის ზ.კ–მ ვალეს პოლიციის უფროსს, ლევან ბერიძეს პოლიციის შენობაში ფიზიკური შეურაცხყოფა მიაყენა. ზ.კ დაკავებულია, მას ბრალის დამტკიცების შემთხვევაში 4–დან 7 წლამდე პატიმრობა ემუქრება.

[მარიამ ბარძიმაძე]