აბიტურიენტები ეროვნულ გამოცდას მათემატიკაში აბარებენ

რეგისტრაცია 8:00 საათზე დაიწყო, ახალციხის საგამოცდო ცენტრში დარეგისტრირებული 132 აბიტურიენტიდან შვიდი არ გამოცხადდა.

მათემატიკაში გამოცდა 3 საათი და 40 წუთი გაგრძელდა.

„ტესტის დაწერა გამიჭირდა, ქართული კარგად არ ვიცი და რაღაცეები ვერ გავიგე, იმედია რომ ნორმალურად დავწერე“, - ამბობს არაქსი ჩახოიანი.

მათემატიკის ტესტი ანა ნოზაძისთვისაც რთული აღმოჩნდა, იგი ჯავახიშვილში ზუსტ და საბუნებისმეტყველო ფაკულტეტის ფიზიკის პროგრამაზე აბარებს. ამბობს, რომ პანდემიის გამო, ბოლო პერიოდში მასწავლებლებთან მომზადება ვერ შეძლო, ამიტომ შიშობს, რომ შედარებთ დაბალ ქულას აიღებს.

„აშკარად წინა წლებთან შედარებით რთული ტესტი იყო, გრაფიკები გამიჭირდა“, - ამბობს ანა.

ერთიანი ეროვნული გამოცდები 25 ივლისს დასრულდება.

[მარიამ ბარძიმაძე, ახალციხე]