ეროვნული გამოცდები დღეს ქართულ ენასა და ლიტერატურაში ჩატარდა

გამოცდის რეგისტრაცია 08:00 საათზე დაიწყო. რეგისტრირებული 241 აბიტურიენტიდან 232 გამოცხადდა. გამოცდა 4 საათი და 15 წუთი მიმდინარეობდა.

როგორც გამოცდიდან გამოსული აბიტურიენტების უმრავლესობა ამბობს, ტესტი მარტივი იყო.

„ძალიან მარტივი ტესტი იყო, არ გამჭირვებია. ორი საათი მქონდა განსაზღვრული წერისათვის და ზუსტად ამდენი დრო დამჭირდა“, – ამბობს აბიტურიენტი მარიამ აგლაძე.

ტესტის წერა არც მარინა ხაზაროვასთვის იყო რთული: „ცოტა ტექსტის დარედაქტირება გამიჭირდა, ისე კარგად დავწერე. ბათუმში შოთა რუსთაველის სახელობის სახელმწიფო უნივერსიტეტში პედაგოგიკაზე მინდა რომ მოვხვდე“.

ხვალ, 3 ივლისს აბიტურიენტები გამოცდას ისევ ქართულ ენასა და ლიტერატურაში ერთ სესიად, მხოლოდ დილით დაწერენ.

[მარიამ ბარძიმაძე, ახალციხე]