ახალციხეში სურსათის მაღაზიაში გაჩენილ ხანძარზე გამოძიება დაიწყო [ვიდეო]

მარკეტში, რომელსაც ადგილობრივები „ზურების“ სახელით იცნობენ, ყველანაირი პროდუქტი განადგურდა.

როგორც შსს-ში განმარტავენ, გამოძიება სისხლის სამართლის კოდექსის 187-ე მუხლის მეორე ნაწილით დაიწყო, რაც ნივთის დაზიანებას ან განადგურებას გულისხმობს. ისჯება თავისუფლების აღკვეთით ვადით სამიდან ხუთ წლამდე, იარაღთან დაკავშირებული უფლებების შეზღუდვით ან უამისოდ.

შემთხვევა 9 ივლისს, გამთენიისას დაახლოებით 04:00 საათზე მოხდა. ცეცხლი გვერდით არსებული ფურნის თანამშრომლებმა შენიშნეს და სახანძროს გამოუძახეს.

ადგილზე მუშაობენ სამართალდამცველები.



ვიდეო - დიმიტრი წიქარიშვილი

[თაკო ფეიქრიშვილი, ახალციხე]