საკირისა და ტაძრისის ტყეში ხანძრის დარჩენილ კერებს ვერტმფრენი აქრობს [ვიდეო]

ვერტმფრენთან ერთად ხანძრის ჩაქრობაში დაახლოებით 100 მეხანძრე–მაშველი იღებს მონაწილეობას.

როგორც ადგილობრივები ამბობენ, საკირესა და ტაძრისის ტყეში ცეცხლი გუშინ 15 მაისს, დაახლოებით 14:00 საათზე შენიშნეს. ამ ეტაპზე უცნობია ტყის რა ფართობია დამწვარი.

შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილის „ა“ ქვეპუნქტით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს. დანაშაული 3-დან 5 წლამდე ვადით თავისუფლების აღკვეთას ითვალისწინებს.



[ლუბა გიორგაძე, ბორჯომი]