ახალციხეში 'ზურების' მაღაზია დაიწვა [ფოტო]

მეზობლებმა ცეცხლი ღამის ოთხი საათისთვის შენიშნეს და სახანძროში დარეკეს.

"დაახლოებით 03:30 საათი იქნებოდა, თანამშრომლები გარეთ გამოვედით, რომ ცოტა დაგვესვენა, ცეცხლი შევნიშნეთ და 112–ში დავრეკეთ. მეორე მეზობელი წავიდა, რომ მეპატრონე ამოეყვანა, სამი სახანძრო მოვიდა, ცეცხლი ძლივს ჩააქვრეს", – ამბობს მაღაზიასთან მდებარე საცხობის თანამშრომელი.

მაღაზიის მეპატრონე ამბობს, რომ ზარალი დაახლოებით 100 000 ლარია.

"მთლიანად დაიწვა ყველაფერი, ვერ გეტყვით რისგან გაჩნდა ხანძარი, როგორც ყოველთვის დაუკეტიათ თანამშრომლებს და წასულან", – ამბობს მაღაზიის მეპატრონე ზურა დურგლიშვილი.

ხანძარს გადაურჩა მაღაზიასთან მდებარე "ლიბერთის" ბანკომატი და "საქართველოს ბანკის" გადახდის აპარატი.

შემთხვევის ადგილზე იმყოფებიან სამართალდამცველები და ახალციხის მერიის თანამშრომლები.













[თაკო ფეიქრიშვილი, ახალციხე]