ასპინძა-ახალქალაქის გზაზე ტრაილერის გადაბრუნების შედეგად 40 წლამდე კაცი დაშავდა

შემთხვევა, გუშინ, 7 ივლისს მოხდა.

„ჩვენთან შემოიყვანეს დაშავებული 40 წლამდე კაცი, ჩავუტარეთ გამოკვლევები და ბინაზე გავწერეთ“, - გვითხრა ახალციხის რეფერალური საავადმყოფოს მენეჯერმა ალექსანდრ თოროიანმა.

ტრაილერი და "კატოკები" ახალციხეში მდებარე საჯარიმოზეა გადაყვანილი. ტექნიკა შპს „არალს“ ეკუთვნის.

შინაგან საქმეთა სამინისტრომ შემთხვევაზე გამოძიება სსკ-ს 276-ე მუხლის მეორე ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.





[მარიამ ბარძიმაძე,ახალქალაქი]