ახალციხეში ავტოსაგზაო შემთხვევისას დაშავებული ახალგაზრდა თბილისში გადაჰყავთ

„ქალა-ტვინის ტრავმა აქვს“, - გვითხრეს კლინიკა „იმედში“.

დღეს, რვა აპრილს, ახალციხე-ვალეს გზაზე, ავარიის შედეგად 25 წლის კაცი მძიმედ დაშავდა. მძღოლმა საჭე ვერ დაიმორჩილა და მანქანა ამოტრიალდა.

შინაგან საქმეთა სამინისტრომ გამოძიება სისხლის სამართლის კოდექსის 276 მუხლის მეორე ნაწილით დაიწყო, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.

[მარიამ ბარძიმაძე, ახალციხე]