ბორჯომში ავარიის შედეგად მგზავრი დაშავდა

ავტოავარია ბორჯომში დღეს, 22 დეკემბერს მოხდა. ორი ავტომანქანის შეჯახების შედეგად 27 წლის ქალი დაშავდა. იგი ჯერ ბორჯომის საავადმყოფოში შეიყვანეს, შემდეგ კი თბილისში გაწერეს: „ერთი გოგონა შემოიყვანეს. კისრის მალის მოტეხილობა აქვს და თბილისში გადაყავთ კატასტროფით, კვლევისთვის“, - ამბობენ ბორჯომის საავადმყოფოში.

შსს-ს ინფორმაციით, საქმეზე გამოძიება სსკ-ის 276-ე მუხლის მეორე ნაწილით მიმდინარეობს, რაც გულისხმობს ავტომობილის, ტრამვაის, ტროლეიბუსის, ტრაქტორის ან სხვა მექანიკური სატრანსპორტო საშუალების მოძრაობის უსაფრთხოების ან ექსპლუატაციის წესის დარღვევა იმის მიერ, ვინც ამ სატრანსპორტო საშუალებას მართავს, რამაც ჯანმრთელობის ნაკლებად მძიმე დაზიანება გამოიწვია.

[თაკო ფეიქრიშვილი, ბორჯომი]