გოჩა ჯეირანაშვილი ახალციხის რაიონულ სასამართლოში დაბრუნდა

იგი მოვალეობის შესრულებას 10 ივნისიდან შეუდგა. ამ ეტაპზე ახალციხის რაიონულ სასმართლოს ოთხი მოსამართლე ჰყავს: მარიკა ჩიტაშვილი, ლუიზა თოდუა, გოჩა ჯეირანაშვილი და ანაიდა ოგანესიანი, რომელიც თავმჯდომარის მოვალეობას ასრულებს.

ჯეირანაშვილი ახალციხიდან თბილისის სააპელაციო სასამართლოს სისხლის სამართლის საქმეთა პალატაში მოსამართლედ 2018 წლის იანვარში გადავიდა.

გასულ წელს იგი უზენაესი სასამართლოს მოსამართლეობის კანდიდატებს შორის იყო, თუმცა მის კანდიდატურას მხარი არ დაუჭირეს.

იგი 2009 წლის 28 დეკემბრიდან 2018 წლის იანვრამდე, ახალციხის რაიონული სასამართლოს თავმჯდომარე იყო. მანამდე წალკაში ასევე მოსამართლედ მუშაობდა. სასამართლომდე ჯეირანაშვილს 2002 წლიდან პოლიციაში სხვადასხვა, 2007 წლიდან 2009 წლამდე კი პროკურატურაში უფროს გამომძიებლის პოზიცია ეკავა.

[მარიამ ბარძიმაძე,ახალციხე]