გოჩა ჯეირანაშვილი უზენაესი სასამართლოს მოსამართლეობის ერთ–ერთ კანდიდატად შეირჩა

უზენაესი სასამართლოს მოსამართლეობის 20–ვე კანდიდატის ვინაობა ცნობილია, ახლა მათ საბჭო კენჭს ცალ-ცალკე უყრის. ამის შემდეგ საბოლოო სიას პარლამენტს გაუგზავნიან კენჭისყრისთვის.

20-წევრიანი სია ასე გამოიყურება:

გიორგი მიქაუტაძე, მაია ვაჩაძე, მერაბ გაბინაშვილი, შოთა გეწაძე, ნუგზარ სხირტლაძე, თამარ ალანია, თამარ ზამბახიძე, შალვა თადუმაძე, ქეთევან ცინცაძე, მირანდა ერემაძე, მამუკა ვასაძე,ზაზა თავაძე, ლალი ფაფიაშვილი, ნინო ქადაგიძე, გოჩა ჯეირანაშვილი, ვლადიმერ კაკაბაძე, ლევან მიქაბერიძე, პაატა სილაგაძე, ლაშა ქოჩიაშვილი, ალექსანდრე წულაძე;

იუსტიციის უმაღლესმა საბჭომ უზენაესი სასამართლოს მოსამართლეობის 50 კანდიდატთან გასაუბრება აგვისტოში დაასრულა. მას შემდეგ, რაც მოსამართლეობის კანდიდატებს საბჭო კენჭს უყრის, სია განსახილველად პარლამენტს წარედგინება.

გოჩა ჯეირანაშვილი თბილისის სააპელაციო სასამართლოს სისხლის სამართლის საქმეთა პალატაში მოსამართლედ მიმდინარე წლის იანვარში გადავიდა. იგი 2009 წლის 28 დეკემბრიდან 2018 წლის იანვრამდე, ახალციხის რაიონული სასამართლოს თავმჯდომარე იყო. მანამდე წალკაში ასევე მოსამართლედ მუშაობდა. სასამართლომდე ჯეირანაშვილს 2002 წლიდან პოლიციაში სხვადასხვა, 2007 წლიდან 2009 წლამდე კი პროკურატურაში უფროს გამომძიებლის პოზიცია ეკავა.

ჯეირანაშვილს როგორც თავად ამბობს, ახალციხის რაიონულ სასამართლოში მუშაობის პერიოდში 3 000–ზე მეტი საქმე აქვს განხილული. მათ შორის ყველაზე მეტად ბორჯომის პოლიცილებების, ე.წ. ხვედელიანის საქმე ახსოვს, რადგან მის მიერ მიღებულ გამამართლებელ განაჩენს საზოგადოების პროტესტი მოჰყვა: „ამ საქმეში მტკიცებულებები არ იყო, სხვა გადაწყვეტილებას ვერც სხვა მოსამართლე მიიღებდა. ეს გადაწყვეტილება კი მესამე ინსტანციის სასამართლომაც ძალაში დატოვა“.

[sknews.ge]