48 წლის კაცი, რომელსაც კლდიდან ჩამოვარდნილი ლოდი დაეცა მართვით სუნთქვაზეა

შემთხვევა 19 თებერვალს ახალციხე–ახალქალაქის გზაზე, ჩუნჩხის ხიდთან მოხდა, დაშავებული ჯერ ახალქალაქის სამედიცინო დაწესებულებაში, შემდეგ კი ხაშურის ერთ–ერთ კლინიკაში გადაიყვანეს. ამჟამად პაციენტი თბილისში „ევექსის“ ერთ–ერთ სამედიცინო დაწესებულებაში მკურნალობს.

„პაციენტს, უმძიმესი მდგომარეობა ჰქონდა, მრავლობითი დაზიანებები, მაღალი ტემპერატურა, ახლობლებმა გუშინ, 28 თებერვალს თბილისში გადაიყვანეს“, – აცხადებენ ხაშურის სამედიცინო დაწესებულებაში.

დაშავებული შვილის განცხადებით, 48 წლის კაცის მდგომარეობა მძიმეა ამის გამო, ექიმებმა იგი მართვით სუნთქვაზე გადაიყვანეს.

48 წლის კაცი მაშინ დაშავდა, როდესაც მიკროავტობუსით ახალქალაქიდან ახალციხის მიმართულებით მოდიოდა.

[თინათინ ზაზაძე, ახალციხე]