1 ივლისიდან ‘ნამცხვრისა და პიცის სახლი’ განახლებული მენიუთი გიმასპინძლებთ ®

რა სიახლეებს სთავაზობს“ ნამცხვრისა და პიცის სახლი“ მომხმარებელს?

1 ივლისიდან ჩვენთან შემოსულ სტუმარს განსხვავებული და მრავალფეროვანი მენიუ დახვდება. სტარტერი, სალათები, პასტა, პიცები, მთავარი კერძები და დესერტები – ეს ის ძირითადი მიმართულებებია, რომელიც დაემატა ან გაუმჯობესდა ჩვენ მენიუში. შემწვარი ქათმის ფრთები, შემწვარი ყველის ჩხირები, შემწვარი სულგუნის სალათი, სტეიკ სალათი, კრემ სუპები და მთავარი კერძები – რომელშიც საკმაოდ დიდი აქცენტი ხორცზე კეთდება, ეს კერძების არასრული ჩამონათვალია „ნაცხვრისა და პიცის სახლის“ მენიუდან.
გავითვალისწინეთ ის ფაქტი, რომ მომხმარებლისთვის ახალი კერძების შეთავაზება და მითუმეტეს დიდი ჩამონათვალი, შეიძლება არაკომფორტული ყოფილიყო. ამიტომ ისეთ კერძებზე შევაჩერეთ არჩევანი, რომელიც ერთი მხრივ საინტერესო იქნებოდა მომხმარებლისთვის. მეორე მხრივ, მოერგებოდა ჩვენი სამზარეულოს პირობებს.


შემწვარი სულგუნის სალათი


სტეიკ სალათი


ტუნას სალათი

რა ბედი ეწევა ძველ მენიუს?

რა თქმა უნდა, ძველი მენიუ რჩება, თუმცა გაუმჯობესებული ვარიანტით. შემოვიტანეთ ახალი ცომის აპარატი, რომელიც იდეალურ ცომს ამზადებს და ამ ხაზის მიმართულებითაც უკეთეს პროდუქტს შევთავაზებთ მომხმარებელს.
გარდა ამისა, ვაუმჯობესებთ დესერტების მიმართულებას. ჩვენ დახლებზე, სულ მალე მომხმარებელი იხილავს ფრანგული ხაზის ტორტებს, ჩიზქეიქის ტორტებს, სხვადასხვა გემოს დესერტებსა და ფრანგულ კრუასანებს.





ასევე რჩება სალათები, ესეც გაუმჯობესებული ვარიანტით, რადგან ვისწავლეთ დრესინგების და სოუსების მომზადება, რომელიც აკეთილშობილებს თითოეულ გემოს.

როგორც იქნა დამითანხმეს, რომ პიცების მიმართულებითაც გაგვეკეთებინა ცვლილება. ჩვენი ძვეული მენიუდან დავტოვეთ ორი ყველაზე მეტად გაყიდვადი პიცა: „საფირმო“ და „პიცა ბეკონით“. დავამატეთ 5 სახეობის იტალიური პიცა, რომლებსაც ფანტასტიური გემო აქვს და ვეჭვიანობ კონკურენცია არ გაუწიოს ჩვენ ძველ პიცებს.

როგორი იქნება ახალი მენიუს ფასები?

ძველი მენიუს მიმართულებით შენარჩუნებული იქნება იგივე ფასები. რაც შეეხება ახალ მენიუს აქ ფასები 7–19 ლარამდე მერყეობს. წვნიანები იქნება 7 ლარი, პასტები – 8–9 ლარი, საქონლის ხორცის სტეიკი -18,00 ლარი.

მინდა აღვნიშნო, რომ ვმუშაობთ ხარისხიანი პროდუქტით, რომელიც არც ისე იაფია. ვაკეთებთ მინიმალურ ფასნამატს, რათა ჩვენი კერძები ადგილობრივი მოსახლეობისთვის ხელმისაწვდომი იყოს. მინდა თითოეულმა აქ შემოსულმა სტუმარმა ღირსეულად იგრძნოს თავი.

როგორ მოახერხეთ ახალი მენიუს შემუშავება, რა რესურსები გაიღეთ ამისთვის?

მაისის თვე დავუთმეთ საკონდიტრო მიმართულებას და დამოუკიდებლად ვტესტავდით ახალ გემოებს, ტორტებისა და დესერტების მიმართულებით.

ივნისის თვე, კი, დავუთმეთ კულინარიულ მიმართულებას. მოვიწვიეთ ერთ–ერთი ცნობილი შეფ–მზარეული ალექს ნათაძე, რომელიც დაგვეხმარა ახალი მენიუს შემუშავებაში და მასტერკლასები ჩაუტარა ჩვენ პერსონალს, განსაკუთრებით შეფ–მზარეულს, რომელიც ჩვენი გუნდის ახალი წევრია. ალექსმა, 2 კვირის განმავლობაში, ძალიან ბევრი სიახლე შემოიტანა ჩვენ სამზარეულოში.



გარდა ამისა, ინვესტიცია ჩავდეთ დანადგარების მიმართულებითაც – განვაახლეთ სამზარეულოს ტექნიკა და ინვენტარი, რომელიც სწრაფ მომსახურებაში შეგვიწყობს ხელს.

აგრეთვე დავდგით პროფესიონალი ყავის აპარატი და ხელშეკრულება დავდეთ ესპანური ყავის მომწოდებელთან. ნამდვილად განსხვავებულ ყავას დააგემოვნებენ ყავის მოყვარულები.

როგორ ფიქრობთ, რამდენად კარგად მიიღებს ახალ მენიუს მომხმარებელი?

ჩვენ გვქონდა საკმაოდ მწირი მენიუ. მას ვისაც მოსწონდა ძველი მენიუ, საშუალება ექნება რომ ისევ ის მენიუ შეუკვეთოს. რესტორნის მენიუთი ჩვენ დამატებითი სერვისი შევთავაზეთ და მე ვფიქრობ მისაღები უნდა იყოს.

გარდა ამისა, გავითვალისწინეთ ისიც, რომ კერძების უცხო დასახელებებმა შეიძლება დაბნეულობა გამოიწვიოს მომხმარებელში. ამიტომ, თითოეულ კერძის დასახელებაში შევიტანეთ აღწერა, მომხმარებლისთვის ხელის გულზე იქნება გაშლილი პროდუქცია, რასაც შეიცავს თითოეული კერძი.

რატომ გადაწყვიტეთ მენიუს შეცვლა?

ყველაფერი მოდის მომხმარებლების სურვილებიდან – თუ შენ მომხმარებელს უსმენ, იცი რა უნდა გააკეთო, რა სჭირდება მას.
ბოლო პერიოდში, ხშირად გვესმოდა ჩვენი მომხმარებლისგან, რომ სიახლეები სჭირდებოდათ და გვთხოვდნენ მენიუში კერძების დამატებას. გარდა ადგილობრივი მომხმარებლებისა, შარშანდელმა ზაფხულმაც აჩვენა, რომ ჩვენი მენიუ არც ტურისტებს აკმაყოფილებდათ. მოსწონდათ ხარისხი, გარემო, ფასი, თუმცა არ აკმაყოფილებდათ მენიუ.

ამ ყველაფერმა გვიბიძგა დაგვეწყო ფიქრი ცვლილებებზე. პანდემიის პერიოდი აღმოჩნდა ჩვენთვის საუკეთესო პერიოდი სიახლეებზე გადაწყობისთვის. იქიდან გამომდინარე, რომ რაღაც პერიოდის განმავლობაში არ ვმუშაობდით, გამოვიყენეთ ეს დრო შიდა სწავლებებისა და სიახლეების დანერგვისთვის.

მთელი ამ პერიოდის განმავლობაში, როდესაც არ ვმუშაობდით, ძალიან დიდ გულშემატკივრობას ვგრძნობდით ჩვენი თანამოქალაქეებისგან. ამიტომ ასე ვიტყვი, რომ ყველა სიახლე პირველ რიგში, ჩვენი თანამოქალაქეებისთვის, ახალციხელებისთვისაა.

კიდევ რა სიახლეებს უნდა ველოდოთ თქვენგან?

სიახლეები გვექნება, არა მხოლოდ ახალციხისთვის. რეგიონისთვისაც. ასევე, ვფიქრობთ დედაქალაქში გახსნასაც. თუმცა ჯერ ამისთვის ვემზადებით და დეტალებს ჩემთვის მოვიტოვებ...

„სამხრეთის კარიბჭე“ მოწვეულ შეფ–მზარეულს, ალექს ნათაძესაც გაესაუბრა.

„მე ვფიქრობ ახალციხისთვის ასეთი კერძები სიახლე იქნება. პერსონალმაც ძალიან სწრაფად აითვისა ყველაფერი და ვფიქრობ, გაამართლებს და იქნება წარმატებული ეს მენიუ და კერძები. ისეთი მხარდაჭერა აქვთ მზარეულებს მენეჯმენტისგან, რომ არ გამოვიდეს შეუძლებელია!“,– ამბობს ალექს ნათაძე.

‘ნამცხვრისა და პიცის სახლმა’12 ივნისს ადგილობრივები მოიწვია და ახალი კერძების დეგუსტაცია მოაწყო. „გემოების ზეიმი“ ასე უწოდა ერთ–ერთმა სტუმარმა „ნამცხვრისა და პიცის სახლის“ მიერ გამართულ დეგუსტაციას.



მანამდე, შეგიძლიათ ძველი და კარგად ნაცნობი გემოებით ისიამოვნოთ. 1 ივლისი, კი „ნამცხვრისა და პიცის სახლის“ სტუმრებისთვის ახალი კერძების დაგემოვნების დროა.