‘სტუმრებისათვის გამოიყენეთ ერთჯერადი მენიუ’- რეკომენდაციები რესტორნებისთვის

როგორც გასტრონომიის ასოციაციაში განმარტავენ, რეგულაციები შრომის ინსპექციის, ტურიზმის ეროვნული ადმინისტრაციისა და სურსათის ეროვნული სააგენტოს მიერაა შემუშავებული.

ასოციაციაში დაწესებულებებს ურჩევენ:

- უზრუნველყავით მაგიდის წინასწარი დაჯავშნა;

- უზრუნვეყავით დასაქმებულთა და მომხმარებელთა ყოველდღიური თერმოსკრინინგი;

- უპირატესობა მიანიჭეთ უნაღდო ანგარიშსწორებას;

- დაიცავით თანამშრომლების მითითებები;

- მაგიდებს შორის დაიცავით უსაფრთხო მანძილი, არანაკლებ ორი მეტრისა;

- მომხმარებლებს შორის უზრუნველყოფილი უნდა იყოს არანაკლებ ერთმეტრიანი დისტანცია;

- მაგიდასთან მოათავსეთ არაუმეტეს ექვსი მომხმარებლისა. გამონაკლისი სახით შესაძლებელია ოჯახის წევრებისა და 12 წლამდე მოზარდი ერთ მაგიდასთან განთავსება;

- ბართან მომხმარებლების პირდაპირი კონტაქტის თავიდან აცილების მიზნით, სასმელით მომსახურება უზრუნველყავით ინდივიდუალურად;

- იმ შემთხვევაში თუ ვერ ხერხდება ორმეტრიანი უსაფრთხო დისტანციის დაცვა, შესაძლებელია გამოყენებულ იქნას დროებითი დამცავი ბარიერი;

- გამოიყენეთ ინდივიდუალური გამასპინძლების წესი;

- გამოიყენეთ სტუმრებისათვის ბეჭდური (ერთჯერადი) მენიუს შეთავაზება. ელექტრონული მენიუს შეთავაზების შემთვევაში, მენიუს დაფასთან ხელების ჰიგიენური დამუშავებისთვის განათავსეთ სადეზინფექციო საშუალებები;

- განათავსეთ თვალსაჩინო ადგილას covid -19-ის პრევენციული ღონისძიებების შესახებ.

[მარიამ ბარძიმაძე]