ახალციხეში ავარიის შედეგად 4 მანქანა დაზიანდა [ფოტო]

ავტოსაგზაო შემთხვევა კოსტავას ქუჩაზე მოხდა. როგორც თვითმხილველები ამბობენ, ტაქსის მძღოლმა საჭე ვერ დაიმორჩილა და პარკინგზე გაჩერებულ მანქანებს შეეჯახა, შედეგად ოთხი მანქანა დაზიანდა.

"შეჯახების ხმაზე გამოვედი, ტაქსი სწრაფად მოდიოდა, როგორც ვიცი არავინ დაშავებულა, მძღოლი ამბობს რომ გაითიშა და მართვის უნარი დაკარგა", – ამბობს კოსტავას ქუჩაზე მდებარე მაღაზიის თანამშრომელი.

"მანქანა გავაჩერე და საქმეზე წავედი, არ ვიცი რა მოხდა, უკანა მხარეს აქვს დარტყმული, დაახლოებით 1000 ლარის ზარალია", – ამბობს "პრადოს" მეპატრონე ნოდარ ბალახაშვილი.

შინაგან საქმეთა სამინისტრომ მერსედესის მძღოლი ადმინისტრაციული სამართალდარღვევის კოდექსის 125 მუხლის მე–10 ნაწილით დააჯარიმა.







[sknews.ge]