ახალციხეში ერთმანეთს სამი მანქანა შეეჯახა

ავტოსაგზაო შემთხვევა, დღეს ექვს დეკემბერს, დაახლოებით, 17:00 საათზე მოხდა.

ქალაქის ცენტრიდან ავტოსადგურის მიმართულებით მოძრავი „მერსედესის” მარკის ავტომობილი ქუჩის მარჯვენა მხარეს გაჩერებულ „ფორდს“ დაეჯახა, „ფორდი“ კი მის წინ მდგომ „ნისან ელგრადს“ დაეჯახა.

„მერსედესის“ მძღოლმა საჭე ვერ დაიმორჩილა და გაჩერებულ მანქანას დაეჯახა“, – ამბობენ თვითმხილველები.

შემთხვევის ადგილზე საპატრულო პოლიცია ჯერ არ მისულა.







[ლუბა გიორგაძე, ახალციხე]