ახალციხეში სამგზავრო მიკროავტობუსს მსუბუქი მანქანა შეეჯახა

ავარია დღეს, 20 დეკემბერს დაახლოებით 10:00 საათზე მოხდა. შემთხვევის დროს, უდე–ახალციხის სამარშრუტო ავტობუსში სამი მგზავრი იჯდა. "აქ ზებრა გადასასვლელია და მანქანებმა ნელა უნდა იარონ. მსუბუქი ავტომობილი ქალაქიდან სწრაფად მოდიოდა, მძღოლმა საჭე ვერ დაიმორჩილა და "მარშუტკას" შეეჯახა", – გვეუბნება თვითმხილველი.

შემთხვევის შედეგად, მსუბუქი ავტომანქანა და სამგზავრო მიკროავტობუსი დაზიანდა. ადგილზე მობილიზებულნი იყვნენ სამართალდამცველები.
შსს–ში აცხადებენ, რომ საქმეზე ადმინისტრაციულ სამართალდარღვევათა ოქმი გაფორმდა.



[ლუბა გიორგაძე, ახალციხე]